𝗨𝘂𝘁 𝗱𝗲 𝘇𝗼𝗺𝗺𝗲𝗿𝘀𝗹𝗮𝗼𝗽!
Want ut is tied vur un spiksplinterneeje activiteit um os vastelaoves-seizoen ien stijl af te trappe: Ut Start-Schot-Fieëst. Op zaoterdag 19 november gaon weej knallend ut neeje vastelaoves-seizoen ien. De Smelehof werd umgedopt tot un dampende fieëst-tempel en niemes minder dan Emptyfield zien van de parteej um der same mit owlie un knallende fieëstaovend van te make. Ut Start-Schot-Fieëst stöt daorneve ok ien ut taeke van de prisentasie van os neeje Reuzesteynse vastelaovesmeziek. De liedjes werre op gehiel neeje wieze an owlie op dizze aovend geprissentierd! Wie dat zien, en mier ienfo volgt de kommende waeke op onder andere ozze socials.
