Daan (Jenniskens) en Indy (Rongen) zien dit jaor de Jeugdprins en Jeugdprinses van de Piëlreuzen. Hun leus dizze carnaval:
Mit de bal àn de kant en de stokke uut de hand gaon weej same vuurop ien ut Pielreuzeland.
Nao un jaor mit online activiteite en vastelaovend vanaf de baank, wier ut tied um toch un neeje jeugdprins uut te roepe. Ien de sint oda kerk kwaam ut jeugdcomite mit un waor spektakelstuk. Ut jeugdcomite ging op ut podium op zuuk dur middel van ut conclaaf naor de neeje “paus”. Elke ronde liep de spanning op.
Uut eandelijk bleek ut dit jaor vur ut urst un duo te zien beej de Jeugdcarnaval van de Piëlreuzen. Beej ut uutkomme wiere jeugdprins Daan den urste en Jeugdprinses Indy den urste mit luid gejuich ontvange.