❤️💛💚 Programma Vastelaovend 2021 ❤️💛💚
Tekst verder nao poster >>>>
Let op: De Hilarische kienaovend is verplatst naor carnavalszondagmiddag 16.00 uur. Laes snel verder vur mier info!
🇬🇳 ZAOTERDAG 6 FIBBERWARIE: TV PIELREUS “Uut de alde doeës”🇬🇳
Nao drie uutzendinge mit neej en ald materiaal op TV Piëlreus kunne gillie zaoterdagaovend 6 fibberwarie geniete van beelden uut de alde doeës. Vanaf 20.00 uur komme hier wér schôn optreejes van bonte aovenden en mier ald materiaal vurbeej um lekker van te geniete. Netuurlek op www.studiopiëlreus.
🇬🇳 ZONDAG 7 FIBBERWARIE: ONLINE JEUGDBONTEMIDDAG & RADIO PIELREUS 🇬🇳
Op zondag 7 fibberwarie zal de online jeugd bonte middag plátsviende. Vanaf 14.00 uur start dizze middag òk live vanuut ozze studio via www.studiopielreus.nl. Cas en Mark neme owlie mit dur un schôn programma inclusief kienderbingo en netuurlek gaon weej kieke naor de filmkes die gille zelluf thuus hed gemakt.
Um 16.00 uur barst vervolges opneejd Radio Pielreus los mit un neeje uutzending. Gezellig same vastelaovesmeziek luustere, mitdoen án de diverse spellen en geniete van verrassende interviews!
🇬🇳 ZAOTERDAG 13 FIBBERWARIE: RADIO PIELREUS & PIËLREUZE-VASTELAOVESQUIZ🇬🇳
Op zaoterdag 13 fibberwarie trappe weej de vastelaovend af mit un radio uutzending op www.studiopielreus.nl. Dizze “vastelaoves-opwermer” werd live vanaf 16 uur an owlie geprissentierd en ansluutend zal dur de Piëlreuze Vastelaovesquiz plátsviende. Dizze quiz göt ok live te volge zien vanaf www.studiopielreus.nl en zal via kahoot gespeuld werre. Weej informiere òwlie nog aover de precieze ánvangstied van dizze quiz.
🇬🇳 ZONDAG 14 FIBBERWARIE: KIENDER/JEUGDACTIVITEIT RARE 88 & HILARISCHE KIENMIDDAG 🇬🇳
Op zondagmiddag 14.00 uur zal op www.studiopiëlreus.nl vur alle kiender en jeugd de livestream geopend werre vur de uutslag van de rare 88! De wat? Jaozeker de rare 88! Un ludiek crazy 88 spel vur de kiender en jeugd van Reuzesteyn. ‘T Jeugdcomité hed 88 rare opdrachten bedocht die gille carnavalszaoterdag en carnvalszondag tot 14 uur kunt uutvoere. Mak un foto of video dat de opdracht gelukt is en stuur dizze ien (mier info volgt nog). Ien un live programma van ongevaer un uur (14.00 – 15.00 uur) zullen de winnaars bekend gemakt werre van dit spel. Òk de winnaars van de kleurplate actie zal hier bekend werre gemakt!
Vervolgens zal dun Hilarisch Online Kienmiddag plátsviende. Vanaf 16.00 uur göt ut spraekwoordelijke dak der af! Tiejes un spetterende live televisie show op www.studiopielreus.nl kan der vanuut thuus werre mitgedaon án dizze hilarische middag! Der zien fantastische prieze te winne en dat alles aonder presentasie van BarryBingo en KennieKien! Al ôs leeje kriege 1 bingokaart gratis den uutgedaeld werd same mit de carnavalskrant. Mar netuurlek kunde extra bingokaarten beejbestelle of às gè gaen lid ziet mitdoen dur òw kaarte te bestellen via https://www.visitorcontrol.com/hilarische-kienmiddag/924 . Per kienkaart kunde mitdoen án de 4 kienrondes die gespeuld werre. Kortom, gezellig mit ut hiële gezin mitdoen án dizze middag. Ut programma duurt tot umstreeks 20.00 uur. Ien dit programma werre òk de winnaars bekend gemakt van ut mojst versierde huus & raam! Laes snel verder!
🇬🇳 KLAENSTE PIËLREUSKE🇬🇳
Òk dit jaor wér zien weej beneejd wie òzze jongste Piëlreus is. Dus bel urst naor ozze Vurzitter Jos(tel. 06 38913471) vurdat gè naor ut gemaentehuus gôt!! Weej zun hier op gepaste afstand beej stilstaon!
🇬🇳 ZIEKENBEZUUK // FRUITMANDSERVICE 🇬🇳
Òk dit jaor gaon zal dur wér unne ziekenbezuuk gepland zien. Dit zal wel iets anders zien dan andere jaore, en zal netuurlek gaen bezuuk zien tot ien de huuskamer. Már weej staon wel gaer effkes stil um meense die ut kunne gebruuke un hart aonder de riem te staeke en dus komme weej dit jaor mit un schôn fruitmandservice tot án de vurdeur! Kende iemand, dan kunde dit durgaeve beej Vurzitter Jos Geurts: 06-38913471
🇬🇳 VERSIER ÒW RAAM OF HUUS 🇬🇳
Wat is dur nòw mojjer dan un gâns dörp versiert mit carnaval? Precies, gaar niks. Durrum vraoge weej òwlie um òw raam en/of huus ter versiere. Zo zörgt ieder gezin vur zich, maar hoeëpelek toch ut gânse dörp, dur vur dat ut vastelaoves gevuul en saamhorigheid blieft.
Gè zörgt als gezin dur nie allieën vur dat ut dörp moj versiert wèrt, már gè makt òk nog aens kans op moj pries. Wilde kans make op zo’n pries, meld òw dan als huushalde án via: www.pielreus.nl/versier-ow-huus-of-raam/
Lukt òw dit nie zelluf, vraog dan familie of vriende um hulp. Gè kunt òw ánmelde vur de categorie Raam of Huus. Dit wil nie zegge dat gè nie allebeej mugt versiere, már gè kunt már mit ieën kategorie mitdoen. Már hoefde nie perse unne pries te winne en wilde òw raam of huus toch versiere, hald òw dan zeker nie taege. De winnaars werre bekend gemakt ien ut programma van de Hilarische Kienmiddag.
🇬🇳 KLEURPLAAT WEDSTRIJD 🇬🇳
Alle kiender hebbe mit de carnavalskrant un schon en unieke Piëlreuzenkleurplaat ontvange! Hèdde án ieën kleurplaat te wennig, gôt dan naor www.pielreus.nl um de kleurplaat te downloaden en dizze zelluf zó duk as gè zelf wilt uut te printe.
Òk kunde dur un moj pries mit winne wannier gè dizze moj ienkleurt en beej Prins Erwin I, Veenmos 18, ien de brievebus stopt. De winnaars werre bekend gemakt ien ut programma op carnavalszondag 14 fibberwarie, um 14 uur op www.studiopielreus.nl. Prins Erwin ziet alle kleurplate hiël gaer komme!
Dus Piëlreuzen en Piëlreuzinnen! Göt de Vastelaovend nie zoas ut mot, dan mot de Vastelaovend már zóàs ut göt. Geniet op afstand, már toch same van dit vastelaovesprogramma en laot ut vastelaovesvuur brande! Weej kieke der ondanks alles enorm naor uut um same mit òwlie unne beejzondere vastelaovend te belaeve!