Terugblik Vastelaovend 2020

Ut is vurbeej

Zoeeë, tied um lekker nao te geniete! Dat göt perfect mit ut overzicht hieronder mit links naor foto’s, video’s en rapportages!

Ok de video’s van ut aftreeje van Ex-Prins Peter en Ex-Prinses Fiona en ut uutkomme van os Trio 2020 staon ienmiddels online. Zie hiervur dizze pagina op os website 

Vastelaovend 2020 is gedaon. Weej, as CV de Piëlreus, hebben ontzettend meuge genieten van de dingen die vurbeej kwamen tiejes dit geweldige dörpsfieëst. Mar nie allieën weej, ok ozze hoofdrolspeulers: os urste Trio mit Prins Erwin, Adjudant Jelle en Adjudant Mark, Os Reuzekluutdrager Nelly, Jeugdprins Siem en Jeugdvorst Guus mit hun jeugdraod, hebben hieël veul plezier belaefd an dizze carnaval. Names hun wille weej iederieën bedanke den un beejdrage het geleverd, op wat vur en menier dan ok. Ovveral waor zeej waren, was ut laevendig en vuulde zeej zich thuus, dur dat gillie ok anwezig wart. Sjapeau hiervur !!!

🇬🇳 Klaenste Piëlreuske

Dit jaor is ut klaenste Pielreuske Mas van Eddie en Kim. Eddie en Kim han de ier ut rompertje uut hande van prins Erwin te kriege mit de tekst “Klaenste Piëlreuske 2020”.

🇬🇳 Resepsie Prins Erwin, Adjudant Mark en Adjudant Jelle

Op zaoterdag genoot ut urste Trio ien de historie van de Pielreus van un druk bezochte resepsie ien de Smelehof. Ut was un verrekes schon resepsie naor un moj opening mit de vastelaovesviering ien de Kerk. Dees neej opgezette viering wier vurgegaon dur Henk Deters. Op un verneejende manier wier de vastelaovend ien Reuzesteyn afgetrapt mit moj muziek, weurd en un moment van bezinning. Daornao de sleutelaoverdracht op ut podium, un schon resepsie en daornao fieëst mit Sjanté en Springlaevend tot ien de late uurkes.

🇬🇳 ReuzeRees.

Op carnavalszondag han weej os alternatieve programma vur de ReuzeRees ien verband mit ut slechte waer. Mit dank an de improvisatie van os ReuzeRees kemmissie kunne weej terugkieke op un geslaagde middag beej Roelanzia. Mier dan 100 kiender din enthousiast mit en doarna fieëste op het Reuzenbal mit jong en ald!

🇬🇳 Optocht Rooj

Maondag ien Rooj han weej toch wel geluk mit ut waer en un hartstikke schonne optocht. Uut ut Piëlreuzeriek ware der wer prachtig uutgedoste dieëlnemers en wagens. En ok wer de nuuëdige pries wiere der gewonne, mit als kers op de taart de 1e pries beej de jeugdprinsewages en de urste pries beej de Prinsewages! Kortum, de Piëlhaascup ging vur ut twedde jaor op reej mit naor Reuzesteyn! De maondag wier vur de latste kier afgeslote beej Egelmeers. Ok vanaf dees plats willen weej Johan en Liesbeth en hun personieel bedanken vur de jaorenlange gastvreejheid! Dankjewel hiervur! 

📹 Peel en Maas Venray: 

🇬🇳 Reuzeoptocht

En afgeloeëpe dinsdag was dan toch wel un fantastisch aend van dit festival. Wat en afsluuting mit zónne optocht. Zelfs ut zunneke kwaam dur goeed dur. En groeët compliment naor iederieën, prachtig hoe weej samen die optocht kleure! Ut gevolg was en prachtig fieëst ien de Smelehof, mit ontzettend veul uutzinnige Piëlreuzen en Piëlreuzinnen.

An ut aend van alwer en dampend fieëst was ut tied vur de afsluuting. Mit de hoofdrolspeulers op ut podium wier mit ut allerlaeste nummer van Stef en Tamara (Pruuf Mar) vastelaovend 2020 afgeslote en was der wer en prachtig boek wat dichtgeslage kós werre.

📸 Ysselsteyn In Beeld

📸 Peel en Maas Venray: 

🇬🇳 Vastelaovend 2020: Piëlreuze en Piëlreuzinnen, gillie hed owlie hielemol laoten gaon en hebbe dur same un prachtig fieëst van gemakt!!! Piëlreuzen en Piëlreuzinnekes, weej danken òwlie vur ut welslagen van dizze vastelaovend 2020. De kommende maonde gaon weej ien de “winterslaop” en dan kunne weej vanaf novvember 2020 wer un neej carnavalsseizoen mit owlie gaon belaeve! Behald ut besef dat ut nie allemaol vanzelluf ging, en dat weej ut nie allieën hebben gedaon. Mede dankzij owlie hebben weej ien os Reuzesteyn enne fantastische vastelaovend kunnen belaeve! Vastelaovend make en vieren weej same!