Op de goed bezochte liedjesaovend afgeloeëpe zaoterdag ien de Smelehof wonnen “De Träoters” mit hun nummer “Ut is wer Vastelaovend” de Wiet van der Hoff wisseltrofee. De pebliekspries ging naor vriendengroep “VCSM” mit hun nummer “God ien de Pieël”.
Onder begeleiding van ut orkest ‘Wa moj woh’ kwamen de zes liedjes twieje kier veurbeej.
De top drie van dizze liedjesaovend was:
- De Träöters (Ingrid, Peggy, Cindy, Linda & Roel) – Ut is wer Vastelaovend
- Altied wat (Vic, Kim, Isa & Martijn) – Vastelaoveskleure
- Vriendengroep VCSM – God ien de Pieël.
Mar ok mit de andere drie nummers gaon weej der un schitterende vastelaovend van maken. Mit zes kneiters van liedjes is de muzikale basis vur kommend vastelaoves-seizoen gezet.
De aoverige drie nummers:
- Noeëit Gedocht (Edith en Ruud) – Laot mar loepe
- Moj is anders (Pim, Bram, Roel, Siem en Roy) – Laot meej gaon
- Die van Lemmens (Vera en Luc) – Hielemol gehad
Nao afloeëp van de twedde ronde liedjes volgde de spannende priesuutrieking dur ozze Prins Peter en Prinses Fiona. De aovend wier afgeslote dur DJs Fatguys waorbeej de gratis hamburgers dur de Smelehof vlogen.
Binnenkort presentieren weej op dizze site de liedjes inclusief teksten.
Foto’s van dizze aovend zien te vienden op de volgende websites: