Wat kunne wej wèr gröts zien op os aege artieste! De afgeloeëpe 2 weak hebbe wej wer kunne geniete van vier prachtige bonte aovende. Ok dit jaor was de ganse Smelehof uutverkocht, zelfs tiejes de LVK finale waor Pruuf Mar un moje prestasie hed nergezet. Hier kom ik zoeë nog efkus op terug.
Net als altied begos de aovend mit un stukske van de jeugdraod. Mit de hulp van Yvon Jaspers hed Boer Hans zien megje gevonde. Dit megje hed de aovend daorvur de latste troef iengezet en dat hed bliekbaar geholpe. Daornao kwaam un dillegasie van de APK. Un paar van die kels die viende dat zej de beste prins ware de afgeloeëpe 6×11 jaor. Um dit te bewieze hebbe zej un paar vurbeelde durbeej gepakt wörrum.
Hiernao kwaam TB zien wördje doen ovver ut doen van un buut op de bonte aovend ien Reuzesteyn. Dat was un duudeluk statement zeg. Vervolges kwaam den ennige buut waor TB ovver vertelde: Teddy Tinder. Ienmiddels is ie nie mer weg te deenke op de bonte aovend. Hopeluk is hej dur volgend jaor ok wer bej! As latste vur de pauze kwaam de drumband hun kunste laote zien. Wat die toch kunne op al die spulle die iederieën thuus hed! Zelfs uut unne ladder kriege zej alle geluide die ge mar kunt bedenke. Prachtig!
Nao de pauze kwame de filmpkes van Kel biet hoond wer vurbeej. Wat doen ze dat toch altied moj! Vervolges kwaam de drumband mit nog un stukske, twieë dus mar liefst! Wat un enthousiastelinge. Hiernao kwaam un duo koke. De kok bleek un bietje te veul gedroonke te hebbe en dat zörgde vur moje momente. As latste kwaam John@Wim.Tl. Nao jaore ware zej wer terug op de buun ien Reuzesteyn. Zej blikte terug op hun reis dur Rooy.
De aovend is net als altied wer moj opgevuld mit ozze aege danseresse en muzikale talenten. Al mit al wer unne schonne bonte aovend!
Ok dizze vastelaovend zien dur meense gehuldigd. De urste aovend is Willem Claessens bedankt vur zien 11 jaor bej de raod. Zelfs de vorsteraod oonder leiding van ald prins Willie Koonings was hierveur naor Ysselsteyn gekomme. Ok Menno Heetkamp is gehuldigd vur zien elf jaor ienzet vur de jeugd. Ok unne prachtige prestasie!
Terug naor Pruuf Mar. Daor ginge ze dan. Mar liefst 4 busse uut ut Pielreuzeriek en ut Dartele Veulen. Jao meense, Goedzat was dur ok bej. Moj man! De sfeer zaat dur de hènweg al goed ien. De Rooyse artieste ware moj verdaeld ovver de aovend. As vierde was Goedzat an de beurt, as twellefde Bjorn en Mieke en as latste os aege Pruuf Mar. Ok op de derde bonte aovend kos de zaal mit geniete van Pruuf Mar. Tiejes de pauze ging ut scherm naor beneeje en wier live mit gekeeke. Nao uut liedje pakte de ganse zaal zien tillefoon dur beej um Pruuf Mar te steune. Moj um te zien dat ut ganse dörp aachter zien aege artieste stöt. Uutaendeluk hed dit, same mit moje beoordelinge van de jury, geleid tot un prachtige niggende plats vur Pruuf Mar!
Nou is ut nog mar 2 waek vur de vastelaovend begint. Ik kan nie mer waachte meense! Toch komme dur nog un paar moje momente. Donderdag is de aldere aovend, zaoterdag kumt de winnaar van ut LVK, Hoondervel, de zaal van Roelanzia op zien kop zette en zondag zien de resepsies van ozze Reuzekluutdragers Mieke en Maria en Jeugprins Martijn. Zie ik owlie nog de latste activiteite vur de vastelaovend?