Terugblik Jubeleejum 6 x 11

Ien minder dan 3 minute ut jubeleejumweekend nog us belaeve vanuut de locht. Van donderdagaovend un sfeervolle fieësthal tot mondagaovend wer un doeëdsnormale löds van Rovadi!

Laes hieronder un korte terugblik en bekiek ok zeker es de hieël moj foto’s van Ysselsteyn ien Beeld!

 

Donderdagaovend begos os weekend mit de carnavalscantus ien samewerking mit de Jera. Same mit de jeugd van de donderdagaovendgroep en piëlpubers carnavalsliederen zingen. 
📸 https://www.facebook.com/pg/Ysselsteyn-In-Beeld-774239682709281/photos/?tab=album&album_id=1536133613186547

Vreejdagmiddag genote mier dan 400 aldere van un super aldere-middag. Der hing un fantastische sfeer en de minse genote zichtbaar van ut programma. 
📸https://www.facebook.com/pg/Ysselsteyn-In-Beeld-774239682709281/photos/?tab=album&album_id=1536147773185131

Vreejdagaovend volgde de hilarische kienaovend. Ien un uutverkochte fieësthal genote 500 bezoekers van un noeits iërder vertoënt programma. Der wier fanatiek gekiend, der ware schon en hilarische prieze te winnen en derrie douche beul Nar Mark mos hiel duk ien actie komme. De aovend wier geslaagd afgeslote mit un afterparty mit Bjorn en Mieke en natuurlijk os aege Pruuf Mar!
📸https://www.facebook.com/pg/Ysselsteyn-In-Beeld-774239682709281/photos/?tab=album&album_id=1537315713068337

Zaoterdagmiddag genote de kiender van de basis-schol van un lekker carnavalsbal ien de vur hun gigantische fieësthal. Ien ut beejzonder genote de kiender van de kliederfriet waor dees middag mit afgeslote wier. 
📸https://www.facebook.com/pg/Ysselsteyn-In-Beeld-774239682709281/photos/?tab=album&album_id=1537408279725747

Wat volgde op zaoterdagaovend was un dampende fieëstaovend mit super band Baby Blue. Bijna 1000 bezoekers genote van un fantastische optreeje en miekte der same mit elkaar en os aege DJ’s Guus en Lex un wanzinnig fieëst van wat menig Piëlreus nog zal heuge. 
📸https://www.facebook.com/pg/Ysselsteyn-In-Beeld-774239682709281/photos/?tab=album&album_id=1538235739643001

De zondag startte weej gezamelijk op mit un brunch vur al die kemmissieleeje van os verieëniging. Effkes tot rust komme en same geniete. Vervolges os goed bezochte resepsie en un fantastisch slot mit os aege Sjanté op de buhne. Langzaman wier ut weekend afgeslote. 
📸https://www.facebook.com/pg/Ysselsteyn-In-Beeld-774239682709281/photos/?tab=album&album_id=1538248162975092

Op maondag un dag hard gewerkt mit os club en vreejwilligers. En ien un zucht wier de sfeervolle fieësthal wer un gewoene löds van Rovadi.

Minse, weej as CV De Piëlreus hebben geweldig genote van os jubeleejumweekend. Weej hoëpe gillie natuurlijk ok! Weej willen iederieën bedanke vur un geweldig weekend. Owlie as bezoekers, de talloze vreejwilligers die dit meugelijk gemakt hebben, os aege club vur hun fantastische ienzet en natuurlijk os sponsore en partners die os op welke manier dan ok ondersteund hebben! Tot ien ut veld!