Ut jaor 2017 is vurbeej. Afgeloeëpe! Klaor! Urst hèd iederieën zich saame mit femilie hieëlemol ziek gegaete en gedroonke mit Kerst. De daag dat zon dinge meuge. Lekker geniete mit iederieën en hieëlemol nurges an daenke. Daornao kunne de maeste meense nog un paar daag beejkomme van al dat zitte en klaor maake vur den roetsj.
Wette wie trouwes nie stil kan zitte? Ozze vorst Martijn. Naodat hej pas geleeje vur den twedde kieër papa is gewöre, zien gaanse bedrief hèd verbouwd en vanalles hèd motte klaor maake vur den vastelaovend, voond hej ut tied om mar us mit te doen mit de Rooyse ondernemers pries. En dat twieë aovend vur hej den Prins van ut Reuzeriek mot ankondige. Wat unne bezig beej.
Nao al dit, is ut dan aendeluk tied vur de èchte fieëstdaag: Vastelaovend! Mèrge is ut dan zoëwiet: den Prins kumt uut! Ik haaj al op Facebook vurbeej zien komme dat Vorst Martijn en vurzitter Jos bej den Prins zien gewèst. Ik bin hartstikke beneejd wie mèrge op ieën of aandere moje manier uut wert geroepe tot Prins en dan leiding kriegt ovver ut Piëlreuzeriek.
Pruuf Mar hèd ut mèrgemiddag trouwes alwer druk. Zeej zien nameluk ien Mestricht um de halve finale van ut LVK op te neme. Ik bin hartstikke beneejd of ze dit jaor dan aendeluk ien de finale meuge zinge.
Mar goed. Op weg naor mèrge! We zien os ien de Smelehof. Tot mèrge. Ik kiek dur ien elk geval naor uut!