Op de goed bezochte liedjesaovend afgeloeëpe zaoterdag ien de Smelehof waren ‘Die van Lemmens’ de groëte winnaars! Luuk en Vera Lemmens debutierde mit hun nummer “Os Vlag” en wonnen daormit zowel de publiekspries als de Wiet van der Hoff wisseltrofee.
Onder begeleiding van ut orkest ‘Wa moj woh’ kwamen de acht liedjes twieje kier veurbeej. Ien de pauze wier Eric Michels dur vurzitter Jos gehuldigd, vur zien al 11 jaor lange ienzet beej ut Combo. De aovend wier ien stijl afgesloten dur de band Released.
De top drie van dizze liedjesaovend was:
- Die van Lemmens mit Os Vlag
- KS Spargel mit Weej Viere Fiëst
- Moj is anders mit Piëlreus Alaaf
Mar ok mit de andere vief nummers gaon weej der un schitterende vastelaovend van maken. Mit acht kneiters van liedjes is de muzikale basis vur kommend vastelaoves-sezoen gezet.
De overige vief nummers:
- Diny & Toos – Als de Piëlreus is begonne
- Twiëkiertwiëenunhalf – Vastelaoves-Toer
- Noeëit Gedocht – De Vastelaovend Is Wer Daor
- Mart de Wit – Engelke
- Träöters – Nog Vief Minute
Binnenkort presentieren weej op dizze site de 8 liedjes inclusief teksten. Foto’s van dizze aovend zien te vienden op de volgende website: http://ruudswinkelsfoto.nl/liedjesavond+de+pielreus+25-11-17/