Afgeloeëpe vreejdag vond beej Herberg de Peel de jaorvergadering van C.V. de Piëlreus plats. Umstreeks 11 ovver 8 opende vurzitter Bart Marcellis zien laeste vergadering beej de Piëlreus. Nao en korte terugblik op ut afgeloepen seizoen an de hand van ut jaorverslag presentierde penningmaester Rob Janssen ut financieel verslag. Naodat ok alle kemmissies besproke ware stond de vergadering ien ut taeken van wisselingen binnen de raod en ut bestuur.
Urst wier der afscheid genome van twieë vertrekkende raodsleeje. Nao 12 jaor beej de raod van elluf namen Ingo & Cindy afscheid. Mojje woorden van Vorst Martijn onderstreepte hoe Ingo en Cindy de afgeloeëpen jaore carnaval belaefd hebbe. Vanaf 2005 genote en dat wier dur Martijn onderstreept mit leuke anekdotes. Ok Wim en Ria name nao drie seizoenen afscheid van de raod. Ien 2015 begos vur Wim en Ria ut sprookje dat vastelaovend hiet als prinselijk paar van de Piëlreuzen. De afgeloepen twee seizoenen genoten Wim en Ria mit volle teuge beej de raod en dat bleek opneej uut de schón woorde van vorst Martijn.
Vervolgens presentierde Martijn drie neeje stellen als anwinst beej de raod van ellef. Ruud Bouwman & Sanne Vollenberg, Kevin van Meijel & Anne Hellegers en Ruud van Osch & Linda Peeters treeje toe beej de raod. Mit de komst van dees raodsleeje is de raod van elluf vur kommend seizoen wer compleet.
Binnen ut bestuur wier Rob Janssen herkoze tot penningmaester van os verieëniging en Erwin Janssen verkoze tot neej algemaen bestuurslid.
En dees wisselinge binnen de raod en ut bestuur waren ok metieën de laeste handelinge van vurzitter Bart. Ien 2009 wiere Bart en Helga ut prinselijk paar van de Piëlreus. En nao en jaor penningmaester binnen ut bestuur wier Bart ien 2011 verkoze tot vurzitter. Nog ieëne kier naam vurzitter Bart de microfoon en spraak heej de anwezigen mit moije woorden toe en onder luid applaus ging ziene map mit vergaderstukke vur de laeste kier dicht. Dat Bart zich de afgeloeëpe 6 jaor mit verve hed iengezet vur de verieëniging bleek ok uut de speech van Martijn.
Op en moiie manier sprak heej Bart en Helga toe.
Vervolgens droeg ut bestuur Jos Geurts veur als neeje vurzitter van de verieëniging. En dit wier dur de leeje mit en stemming bekrachtigd. En zoeë kós vurzitter Jos de vurzitters-hamer overhandigd kriege. De vergadering wier afgesloten mit de veuruutblik op ut neeje seizoen en en veuruutblik op ós jubileum ien 2019. Umstreeks 10 uur wier de vergadering afgeslote, waornao ut nog lang gezellig bleef ien ut café.